Spa World

Ég hef ákveðið að fresta þriðja og síðasta hluta ferðasögunnar þangað til ég fæ nýju fartölvuna mína, ætla nefnilega að skella upp myndum með. Þetta verður ekkert skemmtilegt annars því restin er eiginlega bara eitthvað ég í sight-seeing um Tokyo.

Við strákarnir í Gotenyama og Mikhael fórum í pílagrímsferð í the mother of all bathouses, Spa World á laugardaginn. Spa World er gríðarstórt baðhús á 8 hæðum, en þó eru bara tvær hæðir undir sjálf böðin. Öll herbergin hafa sitt þema og skiptast hæðirnar upp í Asíu og Evrópu. Allir eru berir eins og í öðrum baðhúsum svo hæðunum er skipt eftir kynjum og svo svissað á ákveðnum dögum. Asía var karlahæðin í þetta sinnið og slakaði maður á í heitum laugum í umhverfum sem líktust meðal annars, Indlandi, Kína, Taílandi, Egyptalandi (ég veit það er ekki í Asíu), Japan og fleirum.

Öll umhverfin voru frekar glæsileg en við gátum samt ekki gert að því að vera dáldið vonsviknir með þetta. Líklega voru vonirnar of miklar, þetta er topp baðhús, þónokkuð dýrt náttúrulega, mjög flott en ekki eitthvað mega mindblowing dæmi eins og við vorum að vona. Ætli maður reyni ekki að fara aftur samt til að sjá Evrópu hæðina, þar er meðal annars skjannahvít laug með glærum botni sem litlir hákarlar synda undir. Algjör Bond. Á þeim fáu myndum sem ég finn á netinu eru Evrópsku böðin töluvert flottari líka.